Applea jivitantle moladik onbhov ani vichar amche modem vantta Joao Manuel Pinto.
Siridao ani Nauxim ganvant 1961 vorsa
adim jem hanvem dolleamnim dekhlam ani kananim aikolam tem lokamche nodrek
hadtam. Siridao Ani Nauxim he karvi lokamche
ganv. Portugues kaidea pormonem rampnim, xinzelam, magg doriantlem
nistem dorunk, lahn toxem vodd
poneuv ani vodeanchim lisiençam Captain of Ports hea kateantlean Kadchim
podtalim. Lisiençam aiz pasum kadtat ani lokam laguim samballun dovorlolim
asat.
Zallamchim vanxim (fish nets) bharik, lhan, modle ani motea
zokachim astalim. Bharik vaxeamchea
zalanim nistem mharpak vo dorunk bondhi asli. Oxe toren Portugues sorkar
nisteacho sambal kori ani nisteachi vadd zaunk pautali.
Pausachea tempar June, July, Agost moineant rampnim,
xinzelam, magg doreant ghali nasle, kiteak nistem zolmon evunk adhar zatalo.
Uchamboll zalelea doreant nistem tondgar svateamcher doreache thodik evum
rautalim mhonn amche sorgest kharvi bhau sangtale.
Nauxe Ani Bambolim Bay-acho (doreacho) zagho uchamboll
axillea doreachea adosak podta ani nisteacho jiv prann vadonk sondhi meuta.
Agostachea moineant paus khomin zatoch Setembrache survatek
Siridao, Bambolim , Nauxim veller nisteachi
xeu (uvar) mhunn zatali ani bhorpur nistem zallamnim podtalem. Nistem
polleun jivak umedh ani sontos bogtalo. Oxe porim nistem akhe Zuari nodient ani
Arbi somdirant porsautalem. Captain-Of-Ports-ache odhikari oslea velar
zallanchim topasnim (inspection) korunk goemchea vellancher bounvtale. Bharik
vanxeanchea zallanim nistem dorlolem mheulear tim zallam zopt kortale.
1961 vorsa adhim zuari nodint motoracheo botti (motorboats)
ani fishing trawlers nasle, fokot minacheo bharji choltaleo. Atam dista tosli
uchanbollai, Zuari nodint nam mhunn Arbi somdhirant nasli.
Nauxe dhongrachem pont Zuari nodint (estuary) pauta. Te
svatek amche kharvi bhav ‘Nauxe Bandear’ mhunntale. He svatecher doriant
khoddpancher utpon zalelim kalvam, xinnaneo, mhendhieo (Window pane shells)
kharvi bhav doriant budd mharun konchun kadtale. Toxench dorea-sukte velar
Siridao Jesus Nazareth vadeant oddakodche veller lokh kubhe, tisreo, mhendhio
Ani sutte chinklantle korpun kadtale.
Nistekar Zuari nodi ani Arbi somdhirachea udexim aplo ani aple familichem udharposon korun
sukhi jietale. Tankam Govermentacho kosloch adhar naslo.
1961 vorsa uprant jednam fishing trawlers, motorboats, zuari nodint bhitor sorle ani boraboruch doriant tourism sports suru zaunk laglo ani vadot ghelo tednam, traditional kharvi bhavanchea pottar farr ievunk suru zalle. Itlench nuim, bhotinchea avazan ani bizlechea (light) uzvadan Siridao, Bambolim, Nauxe bay-ant nistem tant’tiam ghallunk bhivonk laglim ani oxe toren nistem komim zait vochonk laglem (Unauv zait ghelo).
Kaim vorsam fatim, Grand Hyatt Hotel, Bambolim velek tenkhun
CRZ- ant bandhun kadlem. Tem ek illegal contruction mhonn goem bhor dass
podleli. Atam legalise zalam ou Kellam astolem.
Bambolim veller aiz xinzellam ani lhan khantaeo dhovorpacheo
bhond zait gheleo ani fudharak bhond zaupache vatter assa, karan veller
vospacheo vatto oxhir ani bhond zait geleleo dista. Tea bhair highend
touristank veller fishing kellelem bhilkul mandhonam kiteak veller zai toxi
mouza touristank korunk mevonam. Itlench noim nisteacho vass hotelak lagta.
Hotelachi security rampnim-xinzelam ani magg dovrunk adkoll
adunk laglea ani hadtatt. Akach lagun soimbim add udorghoticher goenkar avaz
utounk fudem sorla ani sorot assa.
Corporate Houses, newspapers, TV channels (anchors), digital media, dis ani rath development projectancher advertisement ani conferences goddun haddun, projectam udexim boreponam ieunchim ani lokhank mhellchim assa tem lokamche nodre mukar dovrun , ek ‘Public Opinion’ toyar korta (manufacturing consent) fokot ‘political economink’ lagon ani he baxen lokamchim monan dixeabull kortat.
Dusre vaten projectam voir kritik (tika) khortoleank,
NGO-ank, goemchem bhorem dektoleank
projectam voir bhasabas korunk, newspapers, TV channels ani digital
mediacher favo tho zaggo dinnant, karan tanche vichar ani ievzonneo projectam
voir add vochot mhunn.
Dekik Nauxim-Marina Project
Nauxim-Bambolim bay-ant ho project bhandun haddunk MPT vo
MPA -n lease deed contrad sign kelo
mhunn kobhor podlea ani IPB-n (Investment Promotion Board), soimbim kaidhea add
appli porvanghi dillea. Jedhnam ho project suru kortole tednam poilim
Nauxi-bhandear thaun doriant ek robol
fatrancho vado toear kortole (embankment/reclaim land). Uprant Bambolim
resort-achea fudlean sukte velar doriant ek durig zalelea porim koddpam distat,
taka Bambolimcho bhando munntat. Hea bhandeak thaun robolsancho
bhand (embankment) toear zatolo ani uprant donuim bhandeam modhem ek khavtem (opening) doriachem udok
bhair bhitor sorpak dhovortole. Tea uprant Nauxim bay kolaitole (ustitole) ani
chikoll, mati kaddun Nauxi vele vatten doriantlean zomin borun hadtole
(reclaiming land) boattink (yatchs,etc )
dock korpak.
Bottinchi suvidha korunk ek doko, Fuel house, water storage
tanks, Toilets, maintenance yard, staff housing, warehouse/boathouse, training
centre osleo souloti bandhun haddtole. Uprant shopping centre, tourist hotels,
land casinos, adi, Nauxim dongrar bandhpachi goroz podttoli. Oxem zatoch
drugs, prostitution, gambling, crimes, zaun ganv chi xhanti bigottoli zoxe
porim goemchea sabar ganvamnim dixtti podtta .
Itlench noim, project toyar zatoch, nisteachi pik vadot
kaii?
Zuari nodint nistem porsovtolem kaii?
Vo sorkar xetam puroun , xetanim nisteacheo hatcheries
(farming) korun nisteachem bhiim doriant
Ani nhodinim sodtole kaii?
Ani sorv bhonvtim vattaranim hacho faido vo luksonn zatolem
kai? Osle sabar proxnn upzota.
Shirdonnchea kharvi bhavank Bambolim ani Nauxeche veller xinzelam Ani khanttalleo hea fuddem vodunk mellot Kai? Hea projectak lagon nauxechea lokak aplea garantle umttun kaddun uddoitole Ani tankam dusrea svateancher galtole. Oxem godot zalear te aplea nusteacho vaur he novea svateancher thaun korunk pavot Kai? Zori tor tankam Compensation legit dilem zalear, kitlo temp legun hea compensationacher te zogtole? Hea nustekar bhavanchea koxtank lagon sodeak sabar ganvchea lokank tajem nustem khaunk mellta, fudarak tem mevot Kai vo tankam formalinchench khauchem poddtolem? Monant Osle sabar proxnn upzotat.
Munxean apleaponank lagon soimbhacho duspott kelolo dolleam mukar dista. Desadesanim dornkamp, butteo, volcanic eruptions, sunamin, adol-moddam, adi zait assat. Apsuvartak lagon Goemchi doxea zaunk paulea. Atamcho somaz cronic capitalistamcho zala.
Adle purvoz, xinkonk nasle tori tankam zanvai asli.
Zanvai-en te cholle ani goemcho fudhar
boro zauncho ani goem sodanch bhangarachem urchem mhunn tamchea kallzachi axea
asli.
Atamche xinklele ani amche amdhar (goemkaramche kamdhar)
apponn bhudvont ani zannar mhunn somzotat ani goemchi durdoxea kortat.
Khori zanvai xinkpa udhexim azun tankam mheuli-nam, dekhun aiz bhangarachem Goa chiklachem
Goa zaunk paulam.
Chint munxea korchea adhim uprant rodonn faido-nam.
No comments:
Post a Comment